Du Mama by Helmut Zöpfl

Autor:Helmut Zöpfl [Zöpfl, Helmut]
Die sprache: deu
Format: epub
Herausgeber: Rosenheimer
veröffentlicht: 2015-12-11T16:00:00+00:00

Pisa

MADL: Du, Mama, was is’n eigentlich Pisa?

MAMA: Ja, du bist guat, Pisa, des woaß ma doch. Hast du nia was von dem Schiefen Turm von Pisa ghört, von dem ma oiwei befürchtet, dass er doch eines Tages umfällt? Des lernt ma doch in der Schui. Da wundert’s mi nimmer, was in dem Pisa-Vergleich rauskommen is und dass uns jetzt sogar die Österreicher überholt haben. A solcherne Schand!

MADL: Pisa-Vergleich? Werdn da die ganzen Türme von der Welt miteinander verglichen? Außerdem, was Österreich anbetrifft, die überholn uns ja seit was woaß i wia vui Jahr’ im Skifahrn und vor allem aa im Skispringen. Gegn den Morgenstern und den Schlierenzauer, die österreichischen Adler san de unsern lahme Antn, seit ma den Weißflog und den Hannawald nimmer haben!

MAMA: Ja, da schau her! Des hab i gar net gwusst, dass dir die Skispringer aa so guat gfalln. Aber in Geographie lasst’s, glaub i, leider total aus.

MADL: Wieso?

MAMA: Woaßt du zum Beispiel, wo der Hunsrück liegt?

MADL: Hundsrück? Du woaßt doch, dass i net gern zu de Chinesn zum Essn geh.

MAMA: Oh mei, oh mei. Eine andere Frage: Wo liegt das Tote Meer?

MADL: Woher soll i des wissen? I kenn doch net die ganzn Friedhöfe. Außerdem hab i gar net gwusst, dass des Meer überhaupt krank war. Hi hi hi.

MAMA: Ja, ja, heut hast wieder dein lustign Tag. Du probierst lediglich deine mangelnden Kenntnisse zu verschleiern.

MADL: Na frag mi halt endlich was Leichters.

MAMA: Leichter? Ja, was hoaßt bei dir leichter?

MADL: Frag mi zum Beispiel, wia de Hauptstadt von Lappland hoaßt!

MAMA: De Hauptstadt von Lappland? Sag bloß, dass du des woaßt.

MADL: Logo: Großlappen.

MAMA: Ja, ja. Jetzt werst dann glei behauptn, dass Cholera die Hauptstadt von Colorado is.

MADL: Ha ha ha. Außerdem frag i mi, warum i den ganzn Schmarrn wissen sollt. Wenn i wirklich was wissen wui, dann schaug i im Internet nach, bei Google oder bei Wikipedia, wennst woaßt, was des is. Aber wia i deine Kenntnisse von der modernen Technik einschätz, denkst du bei Google höchstens an Guglhupf.

MAMA: Jetzt werd bloß net frech. Natürlich konn ma des oane oder andere nachschaugn, aber ein gewisses Allgemeinwissen ghört halt einfach dazua. »Wissen ist Macht«, hat der Dings, der Dings gsagt.

MADL: Des scheint ja ein bedeutender Mann zu sein, gell, Mama?

MAMA: Wer?

MADL: Der Dings, weilst den jetzt alle daumenlang zitierst. Außerdem hoaßt des doch: »Was i net woaß, macht mi net hoaß.« Und du woaßt doch, dass i so hitzeempfindlich bin.

MAMA: Ja, aber deswegn muaßt ja net glei den Kältetod sterbn. Der Dings hat gsagt, dass unsere Schüler oiwei weniger über oiwei mehra oder oiwei mehra über oiwei weniger wissen.

MADL: Des kapier i net.

MAMA: Des wundert mi net, denn heutzutag schaugt’s so aus, als wenns ihr bloß no nix über gar nix wissen daads.

MADL: Du oiwei mit deim Wissen. I möcht bloß wissen, was ma alles wissen sollt und für was des guat sei’ sollt.

MAMA: Alles kann ma sicher net wissen. Es langt, wenn ma woaß, was ma halt wissen sollt.

MADL: Guat. Na konnst du mir sicher sagn, wer grad in die Charts ganz oben is.

Download

Haftungsausschluss:
Diese Site speichert keine Dateien auf ihrem Server. Wir indizieren und verlinken nur                                                  Inhalte von anderen Websites zur Verfügung gestellt. Wenden Sie sich an die Inhaltsanbieter, um etwaige urheberrechtlich geschützte Inhalte zu entfernen, und senden Sie uns eine E-Mail. Wir werden die entsprechenden Links oder Inhalte umgehend entfernen.